1300K 韩国潮流文具杂货店! 10大平靓正必买

去韩国购物，除了扫药妆之外，一定要扫文具！与淘宝货不同，每件货品都经过设计，十分有文艺气质。其中，1300K 喺近期韩国迅速爆红嘅文具杂货店，由弘大第一间店，到依家已经9间分店，深受当地人热捧。除咗有文具之外，仲有生活杂货，有好多有趣又实用嘅小工具，而且价钱又平，锺意寻宝嘅你，绝对唔可以错过！

韩国有3间一定要去嘅文具店，10×10、ArtBox，同埋 1300K 。此店有大量韩国设计文具外，还有生活杂货，例如拖鞋、香薰蜡烛等睡房用品，又会有洗面皂等洁面用品。想扮靓靓，又会有小饰物，总之好多杂货选择。如果你是文青，更加需要入货，包你买到停不了手，如果你是文具控的话，更加要兑定更多钱，或者带定信用卡，因为错过咗，好难係香港买番！即刻睇下店内有边10款产品令我爱不释手。

1300K 必买 文具：

一进店内会看到不同花款的笔记簿，有大有细，有厚有薄，封面图案靓到全部都买返屋企。

1. 爱丽丝、小王子迷注意！ 插图记事簿

香港一向好少爱丽丝精品，但韩国就有唔少啦！爱丽丝迷必扫呀！小王子精品如果係香港买，价钱都唔平，但呢本簿只要$19，真係唔洗谂立即买！

2.得意韩国贴纸！装饰记事簿一流！

韩国得意公仔贴纸，上面有埋韩文添，可以扮下韩妹，顺便装饰下记事簿。

3. 韩国必买！ban8精品

韩国人气公仔品牌－ban8，推出好多平靓正文具产品。其中，笔记簿净睇封面都已经好靓，就算唔写字，买来放都靓！

4. $10 一支ban8笔？！

其实Aland文具部都会有ban8笔，不过1300K内的款式就比较多，加上真係$10一支，买来做手信都唔错！

5. 少女风笔袋！

韩国少女风文具，以粉色做主打，又有独角兽、兔仔等动物做图字，好睇又唔怕撞款。

6. 月亮便利贴

之前就有月亮灯，估唔到韩国竟然有月亮便利贴，仲要可以透光，係灯光下好似小型月亮灯咁！

必买 名信片：

除了文具，仲有唔少特别设计嘅名信片。

7.得意动作韩文明信片

去旅行点少得送明信片，送有韩国特色嘅明信片就最好，封面仲有埋韩文短句，表达你嘅心意！

8. 特色插画明信片！必买 饰物：

就在名信片的前面，有着几个饰物小角落。有星空戒指和颈饰等，每款都设计特别。

9. 拥有整个宇宙嘅星空戒指、手链！

今期大热嘅星空饰物都有，果然係潮流文具店！见到就想将星空带番屋企！

必买 杂货：

上一层楼，会见到大量家品杂货，有香薰蜡烛，亦有睡房用品。

10. 可爱布丁蜡烛

望落成个布丁咁，但其实係蜡烛，仲有唔同味道俾你拣，好想一次过买晒番屋企！

1300K 弘大1号店

地址：首尔特别市麻浦区西桥洞368-13(서울특별시 마포구 서교동 368-13)

营业时间：星期日-星期四：12:00-21:00、星期五、六：12:00-21:30

交通：地铁2号线弘大入口(Hongik Univ.) 站 9号出口，步行3分钟

网址